October 30 சுக்கிர பெயர்ச்சி

 தனுசுவில் சுக்கிரன் இருப்பதால் அதிர்ஷ்டம் பெறும் 6 ராசிகள்

ஒருவருக்கு கலை, அழகு, படைப்பாற்றல், சொத்து, சுகம், ஆடம்பர வாழ்க்கை வழங்க வல்லவர் சுக்கிரன். அக்டோபர் 30ம் தேதி சுக்கிர பகவான் தன் சொந்த ராசியான விருச்சிக ராசியிலிருந்து தனுசு ராசிக்கு பெயர்ச்சி ஆக உள்ளார். இந்த நிகழ்வு ஜோதிடத்தில் முக்கியமானதாகப் பார்க்கப்படுகிறது.
தனுசு ராசியில் சுக்கிரனின் சஞ்சாரம் அக்டோபர் 30ம் தேதி முதல் டிசம்பர் 8ம் தேதி வரை சஞ்சரிப்பார்.

குரு பகவான் அதிபதியாக இருக்கும் தனுசு ராசியில், அவரின் எதிரியான சுக்கிரன் 40 நாட்கள் வரை சஞ்சாரம் செய்ய உள்ளார். இந்த குறிப்பிட்ட காலத்தில் சுக்கிரனின் அமைப்பால் எந்த ராசிகளுக்கு யோக பலன்கள் ஏற்படும் என்பதைப் பார்ப்போம்.

மேஷம்:

உங்கள் ராசிக்கு 9ம் வீடான பாக்கிய ஸ்தானத்தில் சுக்கிரன் சஞ்சரிப்பதால், ஆன்மிக துறையில் இருப்பவர்கள் நல்ல வெற்றியைப் பெறலாம். மாணவர்கள், ஆசிரியர்களுடன் உரையாடி கல்விக்கான மேம்படுத்தலைப் பெற்றிடலாம். கல்வி தொடர்பான பிரச்சினைகளுக்கு நல்ல தீர்வு கிடைக்கும்.

குடும்பத்தில் மன நிம்மதி, அமைதி என் அதிருப்தி இருக்கும். துணையுடனான நெருக்கம் அதிகரிக்கும். வியாபாரத்தில் நல்ல லாபம் அடையலாம். தொழில் விரிவாக்கம் செய்ய புதிய திட்டங்களை தீட்டுவீர்கள்.

மிதுனம்:

சுக்கிர மிதுன ராசிக்கு 7ம் வீடான மனைவி, தொழில் கூட்டாளி, பங்குதாரர் எனும் வீட்டில் சஞ்சாரம் செய்வதால் திருமண வாழ்க்கை சிறப்பாக இருக்கும். திருமண வாழ்க்கையில் சாதகமான மாற்றங்களைக் காணலாம். திருமண முயற்சியில் இருப்பவர்களுக்கு நல்ல வரன் அமையும்.

நடிப்பு, இசை போன்ற கலைத் துறைகளில் பணிபுரிபவர்களுக்கு நல்ல பலன்களைப் பெறுவார்கள். இந்த காலத்தில் உங்களின் பூர்வீக சொத்துக்களைப் பெற வாய்ப்பு உள்ளது. உறவினர்களுடனான உறவுகள் மேம்படும், நன்மைகளும் ஏற்படும்.

சிம்மம்:

இன்பம், சுகம், காதலுக்கு காரணமான சுக்கிர பகவான் உங்கள் ராசிக்கு 5ம் வீடான பூர்வ புண்ணிய ஸ்தானத்தில் சஞ்சரிப்பதால் உங்களின் பிரச்னைகளுக்கு நல்ல தீர்வுகள் கிடைக்கும். காதல் செய்து கொண்டிருப்பவர்களுக்கு நல்ல முடிவுகளைப் பெறலாம். காதலியை திருமணம் செய்து கொள்ள முடியும்.

உங்களின் பயணங்கள் நல்ல வெற்றியைத் தருவதாக இருக்கும். சில சவால்களை எதிர்கொண்டாலும், உங்கள் பிரச்னைகளுக்கு நல்ல தீர்வைக் கண்டுபிடித்துச் சமாளிப்பீர்கள். சொத்து வாங்க திட்டமுள்ளவர்களுக்கு இது சாதகமான காலமாக இருக்கும். மாணவர்கள் எதிர்காலத்தைக் கணக்கில் கொண்டு கடுமையாக முயற்சி செய்வது நல்லது.

கன்னி:

சுக்கிர பகவான் உங்கள் ராசிக்கு 4ம் இடமான சுக, தாயார் ஸ்தானத்தில் சஞ்சாரம் செய்வதால் குடும்ப வாழ்வில் நல்ல பலன்கள் கிடைக்கும். உடல் நிலையில் நல்ல மாற்றங்கள் ஏற்படும். சிகிச்சை எடுக்க வேண்டியவர்களுக்கு மருத்துவரிடம் அழைத்துச் செல்ல உடல் ஆரோக்கியம் மேம்படும்.

நீண்ட நாட்களாக இருந்து வந்த நோய்களிலிருந்து விடுதலை பெறுவீர்கள். உங்கள் காதல் வாழ்க்கையை மேம்படுத்தும். பணியிடத்தில் உங்கள் வேலையில் முன்னேறுவீர்கள். அன்புக்குரியவர்களுடன் சுற்றுலா செல்ல திட்டமிடுவீர்கள்.

விருச்சிகம்:

விருச்சிக ராசிக்கு இரண்டாம் இடமான குடும்பம், தன ஸ்தானத்தில் இருப்பதால் உங்களின் பேச்சில் இனிமை காணப்படும். உங்களின் வார்த்தைகளால் மற்றவர்களை ஈர்ப்பீர்கள். இந்த கால கட்டத்தில் உங்களுக்கு மூதாதையர்களின் சொத்து, நிதி ஆதாயம் கிடைக்கும். நிலம், வாகனங்கள் வாங்க திட்டமிட்டுள்ளவர்களுக்கு அதற்கான வாய்ப்புகள் கிடைக்கும். வேலை தொடர்பான முயற்சிகளில் நல்ல முன்னேற்றம் உண்டாகும்.

தனுசு:

சுக்கிரன் உங்கள் ராசியிலேயே அமர்வதால் உங்களின் வீட்டில் பல விதத்தில் முன்னேற்றம் தரும் பலன்களைப் பெற்றிடலாம். உங்களின் ஆக்கத் திறன் நன்றாக பயன்படுத்திக் கொள்ளலாம். இந்த காலகட்டத்தில் நீங்கள் செய்யும் ஆக்கப்பூர்வமான பணிகள் பாராட்டப்படும், இது உங்கள் நம்பிக்கையை அதிகரிக்கும். இந்த காலகட்டத்தில் நீங்கள் அன்பானவர்களிடமிருந்து பரிசுகளைப் பெறலாம்.